أخبار الأهلي

محمد سراج الدين يضرب من جديد: لو هتقدم بلاغ هقدم اتنين

وجه المهندس محمد سراج الدين عضو مجلس إدارة النادي الأهلي عدد من الرسائل لجماهير النادي الأهلي بشكل خاص، والجماهير المصرية والسعودية بشكل عام، ولكل من مجلس إدارة الأهلي وإلى تركي آل شيخ.

وخرج محمد سراج الدين في مقطع فيديو نشره عبر حسابه على موثع التواصل الاجتماعي “فيس بوك”، ليوجه 5 رسائب أكد  شكر فيها الجماهير وأكد على احترامه لمجلس إدارة الأهلي، ومواصلته وثباته على موقفه.

وقال سراج: “أول وأهم رسالة إني مهما اتكلمت أو قولت أو عبرت مش هوفي جمهور الأهلي العظم حقه عن مدى الحب والدعم اللي شوفته وجمهور الأهلي نعمة من عندنا ربنا.. حابب أشكركم واحد واحد وتابعت وشوفت كل حاجة وكل حاجة اتكتبت وكل واحد كتب كلمة كويسة في حقي وكل الناس اللي كلمتني وبعتتلي وحقيقي أنا فخور إني من عيلة ومشجعين النادي الأهلي”.

ووجه حديثه لجماهير الأهلي: “الأهلي عمره ما يتخاف عليه طول ما انتوا موجودين بالقوة والانتماء ده لبلدكم ولناديكم.. وبشكر كل الناس اللي كتبتلي وبعتتلي والطلبة والأساتذة في الجامعة الأمريكية بيتي التاني.. وجمهور الأهلي على راسي ودماغي”

محمد سراج الدين يشكر الجمهور الأهلاوي والمصري والسعودي

الرسالة الثانية وجهها سراج إلى جماهير الأندية المصرية قائلًا: “كل الناس المحترمة من جماهير الأندية الأخرى اللي كتبوا في حقي كلام كويس ومنهم جماهير الزمالك وفي النهاية إحنا كلنا جمهور مصر وكلامهم فرق معايا ومسامح اللي قال في حقي كلمة وحشة عشان احنا ولاد بلد واحدة.. وإحنا خلافنا مش مع نادي الزمالك وخلافنا مع مسؤولين معينين أساؤوا لبلدهم وناديهم”

وأكد سراج أن الرسالة الثالثة كانت مفاجئة سعيدة له قائلًا: “الدعم والمكالمات اللي جاتلي من السعودية من ناس معرفهاش كلمتني ودعمتني.. وليا زميل سعودي كلمني وبعتلي وقالي كلنا معاك والأهلي كبير وهيفضل كبير و‘ن الشخص ده لا يمثلننا”، متابعًا: “والشعب السعودي شعب محترم ومن صغرنا في الأهلي بنسمع عن الأمير عبدالله الفيصل والشيخ صالح كامل والقامات الكبيرة المحترمة اللي كانوا بيرفضوا إنهم يتقال إنهم عملوا حاجة للأهلي”.

وفي الرسالة الرابعة، أكد سراج على احترامه لمجلس إدارة الأهلي وعلى رأسهم الكابتن محمود الخطيب، ومدى اعتزازه بهم وفخره بالتواجد معهم.

سراج الدين يؤكد المضي قدما والثبات على موقفه

وواصل: “جملة عيني مش مكسورة ناس عكستها على زمايلي في المجلس وده بعيد تماما عن القصد بتاعي، ولو فيه حد تاني هيترمي عليه الكلام ده هيبقى مسؤولين تاني في أندية تانية بيطلعوا كل يوم يخبطوا ويشتموا”.

وفي الرسالة الخامسة والأخيرة، شدد سراج الدين على ثباته على موقفه، وإصراره على المضي قدمًا فيما بدأه، واستعداده لمواجهة الدنيا كلها ما دام على الحق.

 

وأضاف: “إحنا دولة قانون ودي الكلمة الوحيدة الصح اللي قالها.. ولو فيه بلاغ إتقدم ضدي فأنا هقدم بلاغين، واحد سب وقذف والتاني تشهير بدونأي دليل أو إثبات ولو فيه محامي طلع إمبارح اتكلم فأنا عندي محاميين ومستشارين كبار”، مشددًا على أنه بتحدث بصفته الشخصية كمصري حر لديه كرامة، هي ما يتصف به المصريون.

 

موضوعات متعلقة:

سيد عبدالحفيظ يعاقب عاشور.. ولجنة التخطيط تحدد مصير اللاعب

أول تحرك رسمي من الأهلي بعد أزمة تركي آل الشيخ ومحمد سراج

قرارات إدارة الأهلي في الاجتماع المرتقب.. 3 ملفات ساخنة تنتظر الجماهير حسمها

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق