أخبار الأهلي

عضو مجلس الأهلي يتحدث عن الخسائر المتوقعة في حالة إلغاء الدوري

تحدث محمد الدماطي عضو مجلس إدارة النادي الأهلي عن الأزمات التي تحيط الكرة المصرية بسبب توقف النشاط الرياضي بسبب انتشار فيروس كورونا المستجد.

وكتب الدماطي عبر حسابه الرسمي على فيس بوك: ”

كرة القدم كسلعة بتواجه منافسة من قطاعات أخرى، مثل الدراما والتوك شو على حصيلة إعلانات ورعاية، الشركات المعلنة وده واضح من حجم الصرف أصبحت تفضل سلعة كرة القدم والدوري بصفة خاصة لكن طبيعي لما يحصل إلغاء وبداية موسم جديد ولا لقدر الله يتلغي دوري الموسم ده تم بيعه بالكامل للشركات لذا طبيعي أشوف سلعة تانية حتى لو في مشاكل بين الأندية والشركة الراعية، طب لو حصل إلغاء تاني للموسم الجديد وده وارد هل بعد كدة حد يتوقع نص عدد الرعاة ده”.

 

خسائر بالجملة في حالة إلغاء الدوري

وأضاف: “هتكلم في البوست ده بصفتي محمد الدماطي مالك إحدى شركات الرعاة للدوري المصري، الدوري بدأ مع خروجه للقنوات الفضائية أمثال دريم ومودرن من حوالي 13 عاما إنه يزيد جدا كقيمة تسويقية، وأصبح مع الوقت مغري جدا للشركات المعلنة انها تركز الدعاية علية”.

أضاف: “كل دة حصل بشكل متصاعد و زادت الرعاية و حقوق البث لكل الاندية و الاتحاد لحين مذبحة بورسعيد في ٢٠١٢ ، المشكلة مكنتش بس في الغاء الموسم لان دة كان اقل واجب وقتها ، انما المشكلة ان حصل الغاء للموسم اللي بعدة و اتعمل دوري مجموعتين بعدها و دة احدث انهيار في ثقة الشركات المعلنة ان ممكن يبقي في كورة في مصر ، و انهار سعر الرعاية للشركات في الدوري ، لان اي راعي لما بيتفق اتفاق طويل المدي بيكون حاطط خطة تسويق انة حيتشاف في الفترة الفلانية ، فمتقدرش كل شوية تقولو لا حلغي. لحد ما جت شركة بريزنتيشن في ٢٠١٤ و خدت ريسك قوي جدا و وضعت استثمار جديد و بدات تبيع للشركات تحت ثقة ان حيبقي في انتظام مستمر بعد كدة، و في اول مطب اللي كان في اول موسم في مذبحة الدفاع الجوي ، صممت الشركة الراعية علي استكمال الموسم بعد توقف حوالي شهرين للاضرار الاقتصادية اللي ممكن تحصل”.

وتابع: “و قد كان و نجحت التجربة. و من يومها شوفنا كشركات راعية سعر و قيمة الكورة بتزيد موسم ورا التاني و المنظومة كلها استفادت بشكل كبير ، و اصبح الدوري مجال اعلان اساسي لمعظم الشركات بعد ما انطفا بريق برامج التوك شو ، لدرجة وجود اكثر من ١٥ راعي للدوري هذا الموسم علي قنوات اون . و دة بقي يودينا للي بيحصل دلوقتي .الغاء الدوري وارد و منطقي و ممكن يعدي تسويقيا بضرر قليل لو هناك ضمان ١٠٠٪؜ ان اي دوري جديد حيكمل”.

وأتم: “و لكن في ظل التاكد من وجود موجة تانية من الكورونا في الشتاء ، و اللّة اعلم ممكن تبقي اقوي من الحالية و يكون هناك اضطرار لالغاء الدوري الجديد ، و هنا حيحصل انهيار لكل القيمة التسويقية للدوري اللي اتبنت بصعوبة علي مدار السنين اللي فاتت، و الشركات المُعلنة اللي من ضمنهم شركتي مش حتقدر تعتمد علي الكورة زي الاول لعدم الاستقرار ، بعد ما كانت وسيلة مريحة لينا للوصول للمستهلك ، دة غير تاثير الكورونا علي ميزانيات الدعاية للشركات اللي لوحدة متوقع يعمل تاثير . الوضع حاليا صعب و الاندية جايز عندها حق انها عايزة توفر بقية عقود لاعبين و المشكلة مع الشركة الراعية مخلياها برة المعادلة شوية غير اللي حصل في ٢٠١٥، لكن الواحد من الامانة لازم يتكلم ان الكل لازم يبص لما هو ابعد ، لان اي الغاء اخر سيعني خسائر و انهيار في حقوق البث و الرعاية باضعاف ما سيتم توفيرة بعدم لعب المتبقي من هذا الدوري”.

اختتم: “كل الدوريات التي تم استكمالها فكرت بنفس المبدا بعيدا عن الانتماءات او مين حيكسب او يهبط ، احنا وصلنا كلنا كمعلنين و اندية و اتحاد لمعادلة مربحة اتمني الحفاظ عليها”.

وكان انتشار فيروس كورونا المستجد قد تسبب في توقف النشاط الرياضي بمعظم دول العالم وعلى رأس تلك الدول مصر.

ومن المنتظر أن يحسم مسؤولو الدولة مصير الدوري المصري خلال الفترة المقبلة بشكل رسمي سواء بعودته أم لا.

موضوعات متعلقة

كارتيرون يجدد تعاقده مع الزمالك لمدة موسم واحد إضافي

رسميًا.. تأجيل كأس العالم تحت 17 سنة ناشئين وناشئات بسبب كورونا

محمد عثمان يعود ويضرب مرتضى ببلاغات جديدة 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق